2013年9月22日星期日

看蝴蝶,變行山,學做洛神花果醬(食譜)

 2012年10月24日上午11:39公開累積瀏覽 13239
 

10月21日,好嘢..牛牛忽然話同我去大埔鳳園睇蝴蝶!
在大埔小巴站有特別加班車bor,快快上車.
在球場下車.(這裡只係玩攤位遊戲)
看蝴蝶,原來仲要等個多小時,才有導遊帶領 20元1位.
牛牛: 使咩等,浪費光陰,跟我行啦!
玲玲: 行就行啦...左定右姐,問吓人啦!
牛牛: 你跟住我包冇錯....
玲玲: 點解行10分鐘,冇人架??
牛牛: 咪仲好,要咁多人做咩姐?睇吓棵松幾靚...
玲玲: 依加行左20分鐘喇,條路又斜,
靜到只係聽到自己的喘氣聲....你有冇行錯路呢!

牛牛: 你怕鬼咩?
玲玲: 唔好嚇我啦,你睇 有d元寶...遍佈路邊


牛牛: 前面有個路牌,跟住我行落山就係啦!
玲玲: 嘩...俯視一看,呢度幾多百級呀! 腳軟..
左右仲有好多墓碑 . ..
天梯的畫面活現眼前嗎?
老牛呀....你都係call亞仔啦,我怕兩個滾下山冇人知啊!
牛牛: 一面行,一面向地下的人say sorry.
我兩只係路過,打擾你們的安靜,真抱歉!

玲玲: 好不容易下山了.到達蝴蝶園門口.
牛牛 好興奮的問:哥哥仔,我地兩位How much!
哥哥仔: 呢度冇票賣呀,Uncle你要去返球埸門口買票喎.

於是,我地兩個又行出球埸(大約15分鐘).
行了10分鐘,遇上導遊人員告知:
買票都唔可以自己入場呀.一定要跟導遊啊! ???
由於人手不足,混亂.故每團都要等待個多小時嘞!
唉...牛牛見我一隻蝴蝶都睇唔到.
於是就答應陪同我參加即場自製-洛神花果醬.@45元.
有得玩,每人仲有1小樽拎走.
嘩...好開胃,酸酸少甜yummy!
我仲買了1磅有機洛神花20元,回家再大煮...
牛牛今早已經拎左1樽送給朋友了.


稍後我會同大家分享洛神花果醬的製作,
唔知你地有冇興趣煮呢
做法: 450g煮好有340g-360g

1.將450g洛神花用手搣開,撕開6-7小塊.
去核後約225g.
內面粒果核留用, 兩樣用水沖乾淨.
2.用500g水,加果核細火煮15分鐘.

撈走核. 水有240g留用.係天然果膠水.
(你可以用手輕觸粒果核,黏手,水有少少膠質,因含有天然果膠質)

3.加冰糖120g(整細易煮溶),煮一會,約1分鐘.
全部花倒入,不停攪拌,煮至糖溶少少杰身.
喜歡用片糖,一樣可以.
試味,如果太酸,可加少少砂糖.
樽,蓋要放入滾水煮5分鐘.
用紙吸乾水份,或放入焗爐低溫焗乾.
將果醬入樽8-9成滿,蓋好.倒轉做真空.
梳打餅上加上酸咪咪的果醬好yummy呢!

後記:糖可以留20g,待洛神花煮至淋才加入.
但一定要弄細,碎一點才易煮溶啊!
花萼最尖的地方可以剪去,口感更好.

沒有留言:

發佈留言