2013年9月11日星期三

黑糖馬拉糕 - 食譜


2011年7月25日下午11:17公開累積瀏覽 11056 30




  香噴噴,鬆軟的黑糖馬拉糕出爐了!
    做法同之前差不多.
只要你比心機整好麵種 ,想食好味的馬拉糕就冇困難啦!



1. 自家製麵種 65g 剪 開4-5件.
2. (20g 低筋粉, 5g吉士粉,5g奶粉,4g發粉,1g 梳打粉)過篩1次.
3.黑糖 70g, 椰漿20g
4. 雞蛋1隻
將以上材料用高速打5分鐘.
加入菜油20g高速多打3分鐘,共8分鐘.
小心電動打蛋器過熱呀!
因每部品牌性能有別.


嘻嘻! 有麵種真係話咁快就ok嘞!
我依然堅持 蓋上蓋坐熱水上,熄火發酵一會.
(水只係出煙,就熄火,唔係大滾)
今日偷懶,只發了半小時.效果好yummy呀!
兩年前發足1小時.

小心倒入舖上牛油紙的蒸籠內, 呢個籠有6.5吋內計.
紙要反出籠邊,太小蒸好的糕會縮起,
好肉酸....因為我撞過板呀!

大火蒸22分鐘.......好香,好好味的黑糖馬拉糕出爐嘞!

  下圖呢個,係大酒家的原個馬拉糕,味道.....令我有點失望呢!







吳太-「玲」感蛋糕 吳太-「玲」感蛋糕的相簿
4000

  • Carol
    Carol
    • Carol
    • 2012年7月3日上午2:10
    Hi 吳太你好! 我正試做這個馬拉糕,但我發現第2次發酵低筋粉份量有兩個,唔知邊個才好,有40g和90g?謝謝!
    • 吳太-「玲」感蛋糕 吳太-「玲」感蛋糕
      Carol ,
      馬拉糕成功嗎?
      Sorry,我只找到加90g
       

    • Carol
      Carol
      • Carol
      • 2012年7月5日上午11:06
      吳太,
      很感謝你的回覆,我是第一次到留言區的. 我已試做,是用40g低粉進行第2次發酵,很鬆軟,但不知道為甚麼,聞到一陣酸味? 我很希望知道第2次發酵的正確配方,可以給我嗎?有待我繼續再做.我非常享受做糕點的過程,可..
      吳太,
      很感謝你的回覆,我是第一次到留言區的. 我已試做,是用40g低粉進行第2次發酵,很鬆軟,但不知道為甚麼,聞到一陣酸味? 我很希望知道第2次發酵的正確配方,可以給我嗎?有待我繼續再做.我非常享受做糕點的過程,可能身在外國的原因吧.
      謝謝!

    • 吳太-「玲」感蛋糕 吳太-「玲」感蛋糕
      SORRY,今日才看見你的留言.
      酸:好可能發耐左,
      太酸師傅話要掉,??
      天氣唔同都影響.

    吳太-「玲」感蛋糕 吳太-「玲」感蛋糕的相簿
    4000

    有聽覺和視覺障礙的使用者請注意:

    若需填寫此表格,您須輸入圖片中的某一個字,或錄音中的某幾個數字。如果您無法辨認圖像碼或聽不到音訊,Yahoo! 可以協助您。本公司服務中心的代表將與您聯絡。請提供您的電話號碼和電子信箱地址,並前往此處的網址 - https://help.cc.tw.yahoo.com/hkfeedback.html?id=2725 送出您的請求。若需我們協助您註冊,請在送出請求前閱讀相關的 Yahoo! 服務條款,網址:http://info.yahoo.com/legal/us/yahoo/utos/utos-173.html





  • 新丁 新丁
    • 新丁
    • 2012年5月1日下午2:19
    玲玲姐:
    我做左啦!,第一個失敗左,
    第二個都可以啦!唔係咁鬆,有D實,不過唔知係咪冇落梳打粉關係?
    因我做比BB食,唔想有化學劑,今日會做海綿蛋糕,希望成功.
    謝謝!
    • 吳太-「玲」感蛋糕 吳太-「玲」感蛋糕
      其實,呢個係困難些少.但Yummy!
      好在第2個比第1個好...有進步.恭喜.
      日後再做,一定成功!
      至於蛋糕, 真的可以完成唔落發粉,都好得呀!
      你是分開蛋白,蛋黃打發嗎?

  • 新丁 新丁
    • 新丁
    • 2012年4月9日上午9:30
    玲姐點解我叫怒人?要怎樣打名字?
    • 吳太-「玲」感蛋糕 吳太-「玲」感蛋糕
      邊個激嬲你呀!
      叫我玲玲 得啦! 唔使咁客氣

  • 新丁 新丁
    • 新丁
    • 2012年4月9日上午9:25
    玲姐妳好:
    我想問唔落梳打粉可以嗎?
    謝謝妳食譜!
    • 吳太-「玲」感蛋糕 吳太-「玲」感蛋糕
      唔知得唔得喎, 怕花心機....少少唔怕啦!

  • Clare
    Clare
    • Clare
    • 2012年3月29日下午2:05
    吳太你好, 我要坦白向你請罪,
    因為我偷偷學你的食譜, 你解釋很清楚.
    連我有幼稚斑程度的會一步步學玩麫種,
    旦我做的馬拉糕的汽孔冇你做的大,
    我要再努力, 加油. 我很高興找到你
    謝謝謝謝謝謝謝謝謝謝
    clare
    • 吳太-「玲」感蛋糕 吳太-「玲」感蛋糕
      哈哈...我要多謝你賞面就真!
      看來你都好開心,滿意喎.
      做多一次,一定會更好!

  • Gloria Gloria
    • Gloria
    • 2012年1月11日下午1:53
    請問可否提供麵種的份量及做法?
  • 曾師奶 曾師奶
    黑糖馬拉做得好靚,大榮華都喺咁樣咋.叻叻,讚.
  • 老婆婆 老婆婆
    玲玲姐, 我好對你唔住呀, 我的麵種黑糖馬拉糕失敗咗啦, 你有時間, 可否去我的blog裡看看.
    • 吳太-「玲」感蛋糕 吳太-「玲」感蛋糕
      我唔會再用部老爺機.
      但我將你條link Save 了入去! 暫時睇唔到tim.
      要等你升cup 先探到你了.
      你唔好太失望. 做多次, 蒸夠30分鐘唔好常開蓋.
      其實食譜份量soda 係好少, 冇味嫁.
      我想問麵種發得好嗎?

  • 大姐大 大姐大
    吳太:我已買到黃色盒喇!終於發咗成半日,可以埋欄嘞!
    但....冇咗菜油嘅份量啊!我以為自已抄漏咗添!追踪到來都係冇啊!我現在唯有夠唔夠都好,落一湯匙應該差唔多掛。
    • 吳太-「玲」感蛋糕 吳太-「玲」感蛋糕
      Sorry 呀!我打漏左20g油.
      已補番 其實,橄欖油/粟米/花生油都得嫁.
      可能花生味濃,就香dd.
      我好心急...唔食飯,等你
       

  • 辣劉伶 辣劉伶
    如果冇蒸籠, 可唔可以好似你之前用個深的既盆黎蒸呢
     
    • 吳太-「玲」感蛋糕 吳太-「玲」感蛋糕
      可以,我試過要用普通保鮮紙蓋住,都work喎
      但冇全蓋,兩邊留一條空間,約半吋啦!
      蒸完保鮮紙盛住d水

  • 小小廚房 小小廚房
    多謝分享, 我都好想試做一下..........
  • Candy Candy
    • Candy
    • 2011年7月30日上午2:10
    我好喜歡吃馬拉糕,有空試做下.Thk!
    好耐冇留言,得閒就會看看你個blog.
    • 吳太-「玲」感蛋糕 吳太-「玲」感蛋糕
      哈...我記得你呀,多謝你的留言!
      留番1個比我食

  • 大姐大 大姐大
    吳太:我知道用機打好過用人手,我唔係驚燒機,我係驚搬機啊!因為每次都勞師動眾搬座機出來囉!無辦法喇!想食就唯有搬喇!
    我想問,百X嗰隻依士粉以前係黃色盒嘅,好好用,而家係綠色盒喎!唔知有冇分別呢?我..
    吳太:我知道用機打好過用人手,我唔係驚燒機,我係驚搬機啊!因為每次都勞師動眾搬座機出來囉!無辦法喇!想食就唯有搬喇!
    我想問,百X嗰隻依士粉以前係黃色盒嘅,好好用,而家係綠色盒喎!唔知有冇分別呢?我買咗唔敢用啊!
    • 吳太-「玲」感蛋糕 吳太-「玲」感蛋糕
      大姐大,再次多謝賞面.
      我呢盒上個月買係黃色盒喎!
      我明天影出黎比你看看.
       

  • coffee coffee
    • coffee
    • 2011年7月29日下午4:31
    HI 我好蠢牙,,我想問是否以上材料,, 就可弄到妳以上的靚靚馬拉羔牙
  • WAI YU WAI YU
    • WAI YU
    • 2011年7月29日上午10:08
    好吸引我
    令我也好想嘗試, 趁熱啊!
    Shirley
  • 大姐大 大姐大
    你個靚靚馬拉糕,又來勾引我嘞!如果唔用機打,唔知得唔得呢?
    • 吳太-「玲」感蛋糕 吳太-「玲」感蛋糕
      誠意推薦 我仲有好多包依士粉呀!
      醒兩包比你,包發喎
      記得blog 友仔話我知, 用手搓到糖溶....
      我好用力搓,搓到氣咳,後來牛牛幫我,搓到 MM聲都溶唔晒呀!
      你驚燒機咪打2-3分鐘停一停... 應該OK卦
       

  • 老婆婆 老婆婆
    我唔制呀玲玲姐, 你可否教我如何做麵種....因為我真係好喜歡食馬拉糕. 但我因為覺得麵種很困難, 同埋我無耐性等, 所以我沒有做. 但當我看了你的相後, 發得好高, 發得好靚....就係咁, 激發起我都想試吓做麵種. 玲..
    我唔制呀玲玲姐, 你可否教我如何做麵種....因為我真係好喜歡食馬拉糕. 但我因為覺得麵種很困難, 同埋我無耐性等, 所以我沒有做. 但當我看了你的相後, 發得好高, 發得好靚....就係咁, 激發起我都想試吓做麵種. 玲玲姐, 我從來都唔知咩叫麵種, 只知道如果做了佢, 其他材料都會簡單d. 你可否給我一個最容易的都種食譜, 教我幾時要發酵...發的時間....如果在blog打唔到, 你可以send email比我. 我的email address係 vennus.lui@charriol.com 真係唔好意思, 但我真係好想跟前輩學習, 無論做人道理, 前輩經驗定會豐富過我. 錫晒玲玲姐!
    • 吳太-「玲」感蛋糕 吳太-「玲」感蛋糕
      http://hk.myblog.yahoo.com/happyforever8888/article?mid=17601
      我知你想整馬拉糕.
      近日我再做一次.
      你睇吓...有唔明歡迎問我呀!
      我其實係一個好普通的女人,
      好多謝欣賞

  • Concon 煮意 Concon 煮意
    請問要放多少菜油呀!
    • 吳太-「玲」感蛋糕 吳太-「玲」感蛋糕
      係20g呀,除菜油,我試過用橄欖油,粟米,花生都得wor.
      所以,你不用刻意買樽菜油.
      糖我就用太古原蔗黑糖,較幼細,易打溶.
      謝謝你,我都唔知打漏左tim!

  • 五味軒 五味軒
    好鬆發呀!係酒樓好難食到靚馬拉糕呀!
    • 吳太-「玲」感蛋糕 吳太-「玲」感蛋糕
      我以為自己年紀大愛懷舊小食.
      原來家人都愛吃.
      特別係大哥哥

  • TnP TnP
    • TnP
    • 2011年7月27日下午2:38
    真係好正呀, 多謝分享!
    • 吳太-「玲」感蛋糕 吳太-「玲」感蛋糕
      哈哈...呢個糕,兩年前整到隻積咁
      好有挑戰,用黑糖真係仲加好味!
       

  • Cutelady Cutelady
    自己整都咁靚, 我想食
  • Prime Prime
    • Prime
    • 2011年7月27日上午4:09
    打完之後再發酵 幾耐呀
    • Prime Prime
      • Prime
      • 2011年7月27日上午4:07
      好靚呀 我又要試
      • 吳太-「玲」感蛋糕 吳太-「玲」感蛋糕
        你整甜品蛋糕咁拿手,一定掂啦!
        今次發 30分鐘咋!

    • michelle michelle
      用黑糖真係特別好味架!
      • 吳太-「玲」感蛋糕 吳太-「玲」感蛋糕
        用黑糖整,健康之選.....味道真係好鬼正!

    • coffee coffee
      • coffee
      • 2011年7月26日下午5:37
      hi 請問妳上述是麵種材料,敢麵團雖要嗎,,
      • 吳太-「玲」感蛋糕 吳太-「玲」感蛋糕
        麵種65g,(係咪你所指的麵團呢)
        低筋粉 只要20g.

    • llada llada
      • llada
      • 2011年7月26日上午10:24
      嘩....超靚呀﹗
      茶樓個啲....唔該行埋一邊....
      將以上材料用高速打5分鐘.
      材料是不是包括所有粉和麵種呀?
      • 吳太-「玲」感蛋糕 吳太-「玲」感蛋糕
        係包括粉和麵種,
        我用Turbo 一條氣打5分鐘,斗一斗,加菜油後再打3分鐘

    • Concon 煮意 Concon 煮意
      呀,我都好想整到,不過我諗我整十次都
      未必得,所以鼓唔起勇氣!
      • 吳太-「玲」感蛋糕 吳太-「玲」感蛋糕
        試吓啦,可能你一整就開心到尖叫呢

    • 辣劉伶 辣劉伶
      係咪似潮X春果隻呀, 我超like....
      • 吳太-「玲」感蛋糕 吳太-「玲」感蛋糕
        兩年前,我第1次食潮x春的原個馬拉糕都係超like 呀!
        後來好努力整, 咀仔尖了!

    • 絕代《方華》 絕代《方華》
      而家响外邊好難搵到靚嘅馬拉糕
      • 吳太-「玲」感蛋糕 吳太-「玲」感蛋糕
        係呀!激到我再出手仔.
        仲有要用麵種做先好食
        oh....阿仔要用電腦tim, bye

    2 則留言:

    1. 想知道為何有"拿"喉感覺? 是否發粉原故? 怎樣去除 ?

      回覆刪除



    2. Kit Yee Lee,
      我蒸好多次都冇"拿"喉感覺WOR.
      不過,記得有位師傅教過我,
      糕唔怕蒸得耐,再蒸耐D,就會揮發.
      佢笑言,酒家的馬拉糕蒸兩至3次才到客人口中.

      回覆刪除