2014年11月27日星期四

5213的海之心

 2014年11月21日,牛牛同我到海澄軒飲完中午茶.
有氣有力,立即展開我兩海之心的旅程.
我勁愛在海濱長廊吹海風.欣賞對岸景色.
天氣好(若不是吹北風),連觀音像都可以看見.


 走呀走.呵呵!我望到吳伯堆砌的海之心了.
今次我真的看到你的心尖是指向大海.

 急急腳跑進沙灘,沾沾自喜對吳伯說:
今日,我終於看透你心,你的心尖處的確指向大海.你變左心!?
吳伯笑逐顏開回答我:我想你見證.
5年零兩月13日的海之心,就係眼前所見的樣子!

玲: 嘩!好大的工程啊!一定好艱巨了!
心形石堆的心尖本來是向沙灘的!

今日變心了,心尖已經指向茫然大海.




吳伯,我衷心祝你身體健康,生活愉快呀!






2014年11月25日星期二

New York CheeseCake 美式芝士餅-附加食譜

 
 近日玩New York CheeseCake玩到傻了.


我竟然在餅面上唧朵玫瑰花.不是傳統的圓形.
嘩.....真係好心動呀!

另一款係雪花,係咪好有聖誕氣氛呢!
剛剛切左個雪花,ko了1件,1/6個呀!
好鬼滑,馬上記下食譜.
2Kg 卡夫芝士可做6個6吋圓形蛋糕.
酸忌廉如果唧圖案,亦剛好夠6 個餅面.
餅底碎要兩包.@200g







 


 
一個6吋蛋糕

材料: 

 

  ( 餅底)

 消化餅    66g

牛油  33g

 

(餡)

忌廉芝士 330g   

砂糖     50g    

蛋白   55g

蛋黃   2隻 (40g) 

檸檬汁 12g   

檸檬青   半個   

淡忌廉    42g

白朱古力    20g (坐溶) 
冇鹽牛油30g (坐溶)

( 餅面)

酸忌廉 40g

  砂糖    9g

 做法:

1.將消化餅壓碎,加入己坐溶的牛油,攪拌勻,壓實在蛋糕模底,以150度焗約12-15分鐘. 放涼備用.
*(焗過的餅底口感會少少脆,仲好食好多tim)






2.忌廉芝士室溫放軟,加砂糖,以慢速拌到軟滑.

3.分5次加入雞蛋,轉中速每次打1分半鐘,不時刮缸邊,以免有芝士粒.再加入己坐溶的白朱古力和打起的淡忌廉拌勻.

4.將檸檬汁和檸檬青加入以上混合物拌勻,
最後加牛油拌勻.

5.芝士漿倒入蛋糕模內.注入135g熱水在焗盤.
以160度焗35分鐘,降溫至140度再焗15分鐘.

*(如用活動模,請先用保鮮紙包好,再包上一層錫紙,防止入水)
.
6.酸忌廉加糖用慢速打起至光滑,放入唧袋,唧上餅面,
再以150度焗5分鐘.
放涼後,入雪柜雪3小時或一晚更好味.
 
小小心得:
好多人怕坐溶白朱古力,因為比黑朱古力更難.
只要加入兩滴菜油.
就容易坐溶,朱古力更順滑呀!

2014年11月17日星期一

洛神花果醬-食譜

Hello Kitty有機農莊摘的神花當晚已經製成果醬.用來做包,夾餅乾不到兩星期就吃光了.同牛牛行花墟,見紅皮蘿蔔,美艷得不得不買回家.見洛神花又買,實在愛上自己做果醬.那般鮮味沒法擋呢!
 








1磅洛神花,用手撕開,去核.

剩下的花萼淨重250g,

煮出1樽果醬 400g.

 

食譜材料:

 

1磅洛神花,水380g,冰糖250g.

做法:

1.將新鮮洛神花清洗乾淨,直接用手撕開,

去核,留下花萼.再用手握實令花萼裂開.或用刀把洛神花稍切碎.

 

2.水連種子煮,5分鐘.撈種子.





3.倒入洛神花萼,中火大約煮10分鐘至軟身.

4. 冰糖(弄碎)加入洛神花汁中,

小火邊煮邊攪拌至溶化.

稠身.





鏟/耐熱膠底見果醬可分開邊,

出現痕跡可以熄火.

  


溫馨捷示:加糖後,要不時攪拌以免焦底.

曾經跟Miss學煮洛神花果醬,
Miss話種子含有天然果膠,可以煮水後去掉,
不要浪費.

新鮮的洛神花用手摘,發出悅耳的卜卜聲,

5-6分鐘,就把1磅花摘好了.

12小時的包

 

 

 
 
自從買了部麵包機,玩到瘋狂.
試了多次12小時低溫發酵.
都好得呀!
想晨早有新鮮熱烘烘的麵包食,真係好易.
經細心改良,
1kg芝士剛好可做3個6吋NewYork芝士蛋糕.
仲好Creamy呀!
 

2014年11月13日星期四

New York Cheese Cake美式芝士餅



多年前,曾經跟過Raymond  Sir 整呢個cake,
果晚真係玩得好開心!

但我回家一直都冇再整過.....因為家人唔欣賞芝士蛋糕!


後來,見多位網友整cheese cake 我突然心癢起來!
唉!(又搞亂個廚房,有人幫我洗就好lor)




 

呵呵!已經雪凍左....等我切開比大家睇吓先!




原食譜不便公開其實,呢個 *焗文華美式芝士餅 同New York Cheese Cake

做法真係差不多,連食落口我都係覺得差不多.不過,材料就多左白朱古力同忌廉.

味道可能豐富d同滑dd!

以上的cheese cake是我的小小經驗再加上参考其他網友食譜與書籍製作出來.,

效果相當滿意...好滑好味道!

大家不妨参考!參考!

一個6吋蛋糕

材料: 

 

  ( 餅底)

 消化餅    60g

牛油  30g

 

(餡)

忌廉芝士 370g   

砂糖     60g    

全蛋   1隻

蛋黃   1隻  

檸檬汁 20g   

檸檬青   半個   

淡忌廉    45g

白朱古力    20g (坐溶)  *可以唔加

( 餅面)

酸忌廉 100g

  砂糖    20g

 做法:

1.將消化餅壓碎,加入己坐溶的牛油,攪拌勻,壓實在蛋糕模底,以150度焗約12-15分鐘.

放涼備用*(焗過的餅底才會脆,仲好食好多tim)






2.將砂糖,忌廉芝士以慢速拌到軟滑.

3.分2-3次加入雞蛋拌勻,要刮缸邊,再加入己坐溶的白朱古力和打起的淡忌廉拌勻.

4.將檸檬汁和檸檬青加入以上混合物拌勻

5.倒入蛋糕模內.以150度坐溫水焗約60分鐘.

*(如用活動模,請先用保鮮紙包好,再包上一層錫紙,防止入水)




.
5.酸忌廉加糖用慢速打起至光滑,淋上餅面,再以130度焗3-5分鐘

後記:
呢個食譜在Yahoo時已經post出來.
後來搬兩次blog.


幾個月前,Blog友發現食譜有問題,應該係對位有問題.
亂到連我自己都看不清楚.....字又細,唔想睇
直至今晚才更正,Sorry呀
我本來想把原本的焗文華芝士餅更正,找到頭暈都找不到,
只好重新post!

另一食譜,有加入牛油,口感一樣好滑好細緻.
http://happyforever8888.blogspot.hk/2014/11/new-york-cheesecake.html


2014年11月12日星期三

牛奶布甸-食譜

 
嘩!呢個牛奶布甸好好味.
一打開蓋,兩個心心好似卜一聲要跳出來,
令人好開心呀!







食譜:可做2杯.
鮮奶50g,
淡忌廉100g,
鍊奶4g
糖10g,
魚膠片5g.
魚膠片先弄小塊浸凍水,水要過面.
浸至軟發脹,倒去水份似啫喱狀,
如下圖.
 
我地要將啫喱狀的魚膠坐熱水,
坐至成溶液備用.
 
做法:

1.將鮮奶,淡忌廉,鍊奶,糖拌勻.

2.用小火煮至冒煙.

3.注入魚膠溶液拌勻.

4.倒入樽待涼放入雪柜,約兩小時便凝固.

小小心得:

我用65g水浸魚膠片,浸軟後重20g.

煮奶混合物時,魚膠溶液是坐入熱水.
 
一直保持液態.
當奶煮至冒煙,(不要大滾,因為會鞋口.)
馬上將魚膠溶液;好似筷子水般注入,
邊倒邊拌勻.
布甸就會好滑.好YUMMY.
如果魚膠是杰的,一舊舊.布甸就唔滑Lu.

 

 

2014年11月11日星期二

婚禮曲奇-食譜附圖片



多謝朋友的欣賞.

希望收到的(你)會喜歡,

祝你兩福幸福快樂,永結同心.



 


 

 

我試過加入高筋粉,1:3的比例.

即30g高筋粉,90g低筋麵粉

口感,嫌不太好食.都係喜愛全部用低筋粉.

 

食譜:可做9隻(7.5cm闊的 心型).

1.低筋麵粉(120g)

2.糖粉(35g)

3.蛋(20g)

4.牛油 (55g)

5.梳打粉(1/8茶匙)

6.鹽(1g)

 

做法



1.牛油室溫放軟,加入糖粉及鹽打至鬆發。

2.分3次逐少加入雞蛋, 每次打至蛋汁完全混入牛油糊。

3.篩入低筋麵粉及泡打粉,以切伴方法伴勻。

4.弄成麵糰雪1小時, 取出壓平,用餅模印出心型。

5.以160度預熱爐,放中層焗8分鐘,
下層140度焗3分鐘,再用100度焗2分鐘

 

6.出爐後要待曲奇完全涼透,才可唧上糖霜

 

做法:
1.焗好的曲奇餅底放涼
2.先用杰少少的蛋白糖霜畫上線條.




3.再用稀少少的蛋白糖霜填滿.


待面凝固,再唧上花花.

A.蛋白糖霜:
1.10g蛋白坐熱水稍打散起泡,大約15-20吓左右.
加入已篩的糖霜60g拌勻.**作畫線條用.
2.另外一份加多幾滴水就會稀少少.作填滿心心用.
3.加入少少竹炭粉 ,可調成黑色.
 

 B.蛋白糖霜

我在烘焙店買入1小包法國蛋白粉25g,15元.

(1g+7g+35g糖霜拌勻).

做法一樣,一份杰少少,一份稀一點.

不過,呢隻蛋白粉唔香.都係Wilton香D


 


 



溫馨提示:

1.打蛋白糖霜的器具不可有油,乾後會有裂紋.

2.要餅面光亮更平滑,唧完蛋白糖霜後就要慢慢浪,

浪吓浪吓就會巧靚.

3.利用咀或牙籤將邊位修飾得更完美.
4.餅經底溫慢慢烘透,才可更乾脆,唔易淋身.
所以,我分3段火力.

2014年11月10日星期一

軒姐有禮

 
日前收到軒姐送來的手打香皂.
漂亮的花紋令人看得入迷,好精美啊!
如此名貴的香皂.
我真係有點兒唔捨得用呀!多謝晒!
其實,多年前我有主婦手,
有位熱心的BLOG友送上手造香皂給我用.
希望我對手可以早日康復.
當時我一看配方做法.....已經舉白旗.
Eva,我真係服左你.





2014年11月3日星期一

脆皮芝士蟹包-附造型圖片

 昨日同大家分享搞笑肥蝦的造型.
今日輪到橫行的蟹了.

 包入高溶點芝士粒
 收口向下
 每邊切開4 刀,貼上眼睛(紅莓,提子都可以)
 放上蟹蓋,作最後發酵,大約40分鐘.

小心掃上蛋漿,灑芝士在蟹蓋上,170度焗15分鐘