2015年1月4日星期日

馬拉糕(麵種)

自從一年前搬家後,我的食譜至今依然係亂七八糟.想找做馬拉糕的麵種,都找成半小時,終於在SeeWide找回你了.
把麵種做法重新post.





    我又玩麵種,

   因為好想食馬拉糕,

用麵種做的馬拉糕特別好味呢!

麵種的做法,我都係跟兩年前的一樣,只係今次趕住出街.

發到晚上7時20分, 效果好好,脹到頂住保鮮紙,撕開見一絲絲.

(可能30幾度熱對發麵種有幫助,冬天慢好多)

我就把麵種放入冰箱.

    睇完我20/7 的玩轉麵種後

大家還有興趣,歡迎CLICK入看看我兩年前的製作,

  有牛牛幫手,場面多溫馨







    好!依家先睇20/7 我如何玩麵種先!

   1.  先將   10g溫水+1/4依士+1/8糖拌勻再篩入20g低筋粉

   我只用小匙撈混,間中用力少少壓幾吓,搓成圓形

      睇...上圖 麵團不黏手,可以在碗內 轉.呀...轉...好好玩!





  嘻嘻...玩完,蓋上保鮮紙.

      你要認住個cat 樣喎

   

  到底兩小時後會又變成點呢?





 登登登! 嘩....大了好多喎.

不如我幫佢改個名-叫原始麵種啦!

看看下圖原始麵種入面的組織,又軟又黐.

初步 成功了!





   立即做第2個步驟

   先將 50g溫水 +1/8茶匙依士+1/8糖混合





  90g麵粉過篩中間開一個小洞,加入上面的依士水,拌勻


   初時好易拌,跟住你會覺得有點乾.

   用小手輕搓揉成麵團. 再加入原麵種,

 下圖細件係原麵種,將兩個混合搓混成一體.

    這步驟我用了10分鐘,都幾手慢喎!





  蓋上保鮮紙,  由14:50開始 發到16:50 剛好又兩個鐘 .

  此時見保鮮紙有水蒸汽,  弄乾後蓋上....再發...





   時間過得真快,又 兩小時了!

嘩   .....好發,好脹呀 !





   因為當晚吳太有節目,我只再等多半小時.

 大約 7時20分(全程6小時40分) 麵團發到黐住保鮮紙

 一撕開傳出 陣陣 包味 ,令人好想心心吸一口...正!





   我把麵種分成兩份,每份65g ,餘下30g可做麵包.

    做1個大約6 吋的馬拉糕,只要1份就夠嘞!

    這份量即是可以做兩個多呀!
後記:
回想當年做呢個糕,笑料多多,難忘我的牛牛幫我搓束麵種.搓到腰酸背痛得過吉.
參考多個食譜,試左幾個配方,似食雞蛋糕多過馬拉糕
失敗了好多次.终於,忍受不住.
上學去,以為跟師傅學整古法馬拉糕,一定掂啦!
點知蒸出來一看似黃色雞蛋糕,入口一點馬拉糕風味都沒有呀!,仲係死實的.
心心不憤.屢敗屢戰,我試過做麵種只有水和粉.但發不成,還發臭,所以加入少少依士.
效果好好多.又快又正呢!
阿仔和朋友仔食過都話有酒樓風味...
哈哈!自家製,沒有加入太多化學叮嘢,算唔錯喇!

2 則留言:

  1. 整一盆糕差不多要成日呀! 暈....

    回覆刪除
  2. 今次1隻都冇破爛,,連唧花曲奇都冇散,好開心,,
    送兩隻比你姪兒呀.多謝佢地的貓貓.畫.好美啊,
    我看後至今仲記得..
    你想玩,整定麵種放入冰箱,就易好多啦.

    回覆刪除